私隱政策

1. 牌局同分帳資料 · 只存喺你部機

鋤大D Pro、鋤大D 標準、頭七尾八、Chips IN/OUT、AA 分帳器、Blind Timer 呢 6 個工具,全部場數資料(玩家名、分數、買入套現、開支記錄、blind 設定等),都只存喺你自己部裝置嘅瀏覽器 localStorage。呢個站冇帳戶、冇登入；除非你主動投放到電視，場次資料唔會上傳。投放會上傳下一節列明嘅畫面快照。

清瀏覽器資料、換裝置或者換瀏覽器,呢啲資料就會跟住冇咗。工具入面嘅「重新開枱」/「重新開場」只會清走使用中場數,唔會影響你部機嘅其他資料。

如果存檔無法載入，原檔會保留，亦可下載保管。只有你確認「備份後開新局」，工具先會喺同一瀏覽器保留原檔副本，再開新局。呢啲備份唔會上傳，亦唔會隨重新開枱／開場刪除；清除本站嘅瀏覽器資料會一併刪走備份。

2. 電視投放 · 經 Vercel 及 Upstash 即場同步

撳「投放到電視」，現時比分、玩家暱稱，或者 Blind Timer 嘅盲注及倒數狀態，會經本站 Vercel API 寫入新加坡嘅 Upstash Redis，對應一個六位房號，俾 /tv 電視接收器頁讀取。

要留意嘅係:任何知道呢個房號嘅人,都可以開 /tv頁面睇到呢啲資料。只有開房嘅瀏覽器可以更新或刪除房間；讀取房間唔需要登入。 房號要當密碼咁保管。玩家名係你自己打嘅暱稱，唔係實名， 但都建議唔好用真名。

每次成功更新會續期兩小時；讀取唔會續期。停止投放而刪除請求成功送達時，資料會即時清除。 如果斷網、關閉瀏覽器或忘記停，最後一次更新兩小時後會自動清除；重新連線會重試清理。 新版本唔再使用 Firebase，舊投放房間唔會搬過嚟，需要重新投放。

開房會設定必要功能 cookie（__Host-cd_tv_房號），只用嚟確認你有權更新或停止該房間。 cookie 經 HTTPS 傳送，JavaScript 讀唔到，唔用作廣告或跨站追蹤；停止投放成功或最後更新兩小時後失效。 API 會用短期雜湊 IP 計算請求頻率，限流記錄約一分鐘後清除。 Vercel 提供網站及 API，服務商可能為營運及防濫用處理一般連線記錄。

3. 網站統計 · 無 cookie、無個人資料

全站(電視接收器頁 /tv 除外)用緊 Cloudflare Web Analytics 做輕量統計,淨係計每頁瀏覽咗幾多次,幫我哋決定下一個工具做唔做、做邊個。呢個方案唔落 cookie、唔做跨站追蹤、唔收集任何可以識別到你個人身份嘅資料,所以呢頁唔需要彈 cookie 同意橫幅。/tv刻意唔計統計,因為打牌期間會長開,計咗會谷大個數字。

其他

呢個站唔賣廣告、唔賣資料、亦都冇任何第三方追蹤 pixel。技術棧同緣起可以睇 footer 嘅「關於」頁。有問題可以經 footer 嘅 WhatsApp 聯絡我哋。