私隱政策

1. 牌局同分帳資料 · 只存喺你部機

鋤大D Pro、頭七尾八、Chips IN/OUT、AA 分帳器、Blind Timer 呢五個工具,全部場數資料(玩家名、分數、買入套現、開支記錄、blind 設定等),都只存喺你自己部裝置嘅瀏覽器 localStorage。呢個站冇帳戶、冇登入,亦都冇伺服器資料庫儲存你打嘅任何名同數字——我哋根本收唔到。

清瀏覽器資料、換裝置或者換瀏覽器,呢啲資料就會跟住冇咗。工具入面嘅「重新開枱」/「重新開場」只會清走場數,唔會影響你部機嘅其他資料。

2. 電視投放 · 經 Firebase 短暫同步

撳「投放到電視」,現時嗰局嘅比分會經 Firebase Realtime Database 短暫同步到一個 6 位數字房號,俾 /tv電視接收器頁讀取顯示。呢個房號同資料淨係為咗即場投放而存在——冇長期保留,亦都唔會用嚟識別你嘅身份。玩家名係你自己打嘅暱稱,唔係實名。

3. 網站統計 · 無 cookie、無個人資料

全站(電視接收器頁 /tv 除外)用緊 Cloudflare Web Analytics 做輕量統計,淨係計每頁瀏覽咗幾多次,幫我哋決定下一個工具做唔做、做邊個。呢個方案唔落 cookie、唔做跨站追蹤、唔收集任何可以識別到你個人身份嘅資料,所以呢頁唔需要彈 cookie 同意橫幅。/tv刻意唔計統計,因為打牌期間會長開,計咗會谷大個數字。

其他

呢個站唔賣廣告、唔賣資料、亦都冇任何第三方追蹤 pixel。技術棧同緣起可以睇 footer 嘅「關於」頁。有問題可以經 footer 嘅 WhatsApp 聯絡我哋。